„სირცხვილია“ გახდა ისევ ჩვენი დასაცავი. წარმოიდგინეთ სადამდე მივიდა სიტუაცია, – განაცხადა პარლამენტის თავმჯდომარის მოადგილემ, არჩილ თალაკვაძემ.
„რამდენიმე საათი დასჭირდათ თავისუფლების, დემოკრატიის და ადამიანის უფლებების ვითომ დამცველებს, რომ საკუთარ რიგებში ერთ-ერთი ყველაზე აქტიური ორგანიზაცია მიეყვანათ იქამდე, რომ საკუთარი გადაწყვეტილება წააშლევინეს და რეგისტრაცია გამოატანინეს იუსტიციის სამინისტროდან. ამის შემდეგ რა თავისუფლებაზე, დემოკრატიაზე და თავისუფალ საზოგადოებაზე საუბრობენ ეს ადამიანები?! მათ აქვთ ერთადერთი დღის წესრიგი – ვინც არ გაატარებს იმ დადგენილ ხაზს, რაც არის დავალება, მათი გამაერთიანებელი, დაისჯება უმკაცრესი მეთოდებით. ეს აჩვენეს „სირცხვილიას“. „სირცხვილია“ გახდა ისევ ჩვენი დასაცავი. წარმოიდგინეთ სადამდე მივიდა სიტუაცია“, – აღნიშნა თალაკვაძემ.
ორგანიზაცია ,,სირცხვილია“ გამჭვირვალობის რეესტრში არ რეგისტრირდება. გადაწყვეტილება კი „სირცხვილიას“ წევრებს ზეწოლით შეაცვლევინეს. ბულინგში ჩართული იყო ყველა მხარე, მათ შორის ოპოზიცია, არასამთავრობო ორგანიზაციები და ფაქტ ჩეკი. საპარლამენტო უმრავლესობის განცხადებით, ამ ფაქტით კიდევ ერთხელ დადასტურდა, რომ გამჭვირვალობის კანონის მიღება, აუცილებელი იყო.