დაპირისპირების დეტალებს, რა დროსაც წყალტუბოში, სოფელ გეგუთში “ქართული ოცნების” წევრი, ერმილე გიგიაძე გარდაიცვალა, გეგუთის მაჟორიტარი დეპუტატი, შალვა კილაძე იხსენებს.
როგორც კილაძე ამბობს, მიყენებული შეურაცხყოფის შემდეგ, ერმილე გიგიაძე ცუდად გახდა და ოფისის კართან ჩაიკეცა.
“პიროვნება, რომელიც იდგა ოფისთან, მანამდე იხედებოდა ჩვენი ოფისის ფანჯრებში და ათვალიერებდა, რა ხდებოდა. პირდაპირ დაუწყო ლანძღვა ერმილე გიგიაძეს.
ერმილე გიგიაძე ძალიან ანერვიულდა, გამოვიდა და გახდა ცუდად, ამ კაცმა რომ გალანძღა და ასეთი შეურაცხყოფა მიაყენა. მე ექიმი ვარ და 15 -20 წუთის განმავლობაში ვუტარებდი პირველად დახმარებას, მაგრამ ვერ ვუშველეთ, გარდაიცვალა. შეეწირა ასეთ სიტუაციას. რომ დაეცა, ეს კაცი აქ იყო, შეხედა და იცინოდა”, – იხსენებს კილაძე.
ცნობისთვის, ოპოზიციის წარმომადგენელმა, როლანდ ნუცუბიძემ “ქართული ოცნების” წევრს, ერმილე გიგიაძეს რამდენჯერმე შეაგინა, შედეგად, ნერვიულობის ნიადაგზე, გიგიაძე ადგილზევე დაიღუპა.
საქმეზე დაწყებულია გამოძიება.