ოპოზიციას სძულს ყველაფერი, რაც არის ქართული, ტრადიციული, რაც აერთიანებს ჩვენს საზოგადოებას, – განაცხადა საქართველოს პარლამენტის ვიცე-სპიკერმა არჩილ თალაკვაძემ ლგბტ პროპაგანდის წინააღმდეგ კანონმდებლობის საკითხზე ოპოზიციის პოზიციის შეფასებისას.
„ოპოზიციას რა თქმა უნდა, სძულს ყველაფერი, რაც არის ქართული, ტრადიციული, რაც აერთიანებს ჩვენს საზოგადოებას და რაც ხელს უშლის მათ, რომ მოატყუონ მოქალაქეები და გვერდითა კარით როგორმე დაბრუნდნენ ხელისუფლებაში. გვახსოვს ეს ხალხი, როდესაც მათი პასუხისმგებლობა იყო ქვეყნის მართვა, როგორ ექცეოდა ოჯახებს, ეკლესიას, ღირებულებებს და ფასეულობებს, თანაც ამ ყველაფერს, ამ ბინძურ საქმეს აკეთებდნენ ევროპისა და დასავლეთის სახელით“, – აღნიშნა არჩილ თალაკვაძემ.
პარლამენტში ლგბტ პროპაგანდის პრევენციის მიზნით ინიციირებული კანონპროექტის განხილვებზე რადიკალური ოპოზიცია ბოიკოტის რეჟიმში რჩება, ისინი კი, ვინც საპარლამენტო განხილვებს ესწრებიან, ცვლილებებს მხარს არ უჭერენ.