შეერთებული შტატების თავდაცვის მდივან ლოიდ ოსტინსა და ისრაელის თავდაცვის მინისტრ იოავ გალანტს შორის სატელეფონო საუბარი შედგა ისრაელის ოპერაციების განხილვის მიზნით. ამის შესახებ ინფორმაციას პენტაგონი ავრცელებს.
პენტაგონის პრესმდივნის, პეტ რაიდერისგანცხადებით, ოსტინი და გალანტი შეთანხმდნენ საზღვარზე არსებული „სამხედრო ინფრასტრუქტურის დემონტაჟის“ აუცილებლობაზე, რათა „ჰეზბოლამ“ ვერ შეძლოს 7 ოქტომბრის მსგავსი თავდასხმების განხორციელება ისრაელის ჩრდილოეთ დასახლებებზე.
„მდივანმა ნათლად განაცხადა, რომ აშშ მზადაა აშშ-ის პერსონალის, პარტნიორებისა და მოკავშირეების დასაცავად ირანისა და ირანის მხარდაჭერით მოქმედი ტერორისტული ორგანიზაციების მხრიდან საფრთხეების წინააღმდეგ. მხარეებმა განიხილეს, რა სერიოზული შედეგები დადგება ირანისთვის იმ შემთხვევაში, თუ ირანი გადაწყვეტს ისრაელზე პირდაპირი სამხედრო თავდასხმის განხორციელებას“, – აღნიშნულია განცხადებაში.