დაჯგუფება „ჰამასი“ ისრაელთან სამშვიდობო მოლაპარაკებებზე უარს აცხადებს, განაცხადა აშშ-ის სახელმწიფო დეპარტამენტის სპიკერმა მეთიუ მილერმა.
ჟურნალისტმა მილერს კითხვა დაუსვა, „ჰამასთან“ ცეცხლის შეწყვეტის შესახებ მოლაპარაკებებმა ხომ არ გადაიწია მეორე პლანზე ისრაელსა და დაჯგუფება „ჰეზბოლას“ შორის დაწყებული კონფლიქტის გამო.
„საქმე იმაში არ არის, რომ ისრაელსა და „ჰეზბოლას“ შორის კონფლიქტმა ის [სამშვიდობო მოლაპარაკებები „ჰამასთან“] მეორე პლანზე გადაწია. საქმე იმაშია, რომ „ჰამასმა“ მოლაპარაკებებში მონაწილეობაზე კვლავ უარი განაცხადა“, – თქვა მილერმა.
მისი თქმით, „ჰამასმა“ მოლაპარაკებებში მონაწილეობაზე უარი განაცხადა მანამ, სანამ ისრაელი ლიბანში სახმელეთო ოპერაციას დაიწყებდა და „ჰეზბოლას“ ინფრასტრუქტურასა და ხელმძღვანელობაზე იერიშს მიიტანდა.
კომენტარები