სლოვაკეთის პრემიერ-მინისტრს, რობერტ ფიცოს სურს რუსეთთან ნორმალური ურთიერთობების აღდგენა უკრაინაში სრულმასშტაბური ომის დასრულების შემდეგ.
ფიცოს თქმით, თუ ომი უკრაინაში „მისი ხელისუფლების მანდატის პერიოდში დასრულდება“, ანუ 2027 წლამდე, „ყველაფერს გავაკეთებ რუსეთის ფედერაციასთან ეკონომიკური და ნორმალური ურთიერთობების აღსადგენად“.
„ევროკავშირს სჭირდება რუსეთის ფედერაცია, რუსეთის ფედერაციას სჭირდება ევროკავშირი, ჩვენ დიდად ვიზრუნებთ უკრაინასთან მეგობრულ ურთიერთობებზე“, – განაცხადა მან.
მან გაიმეორა, რომ უკრაინაში კონფლიქტს არ აქვს სამხედრო გადაწყვეტა და ბევრი პოლიტიკოსი უკვე ლაპარაკობს უკრაინასთან დაკავშირებით კომპრომისების აუცილებლობაზე.
კომენტარები