საპარლამენტო უმრავლესობის წევრმა ლევან მახაშვილმა საპრეზიდენტო არჩევნების პროცედურები განმარტა.
„წელს იქნება ის პირველი შემთხვევა, როდესაც ჩვენ არაპირდაპირი წესით ავირჩევთ საქართველოს პრეზიდენტს. ფიზიკურად ეს ტარდება პარლამენტში, თუმცა ეს არ არის საპარლამენტო პროცესი. მასში მონაწილეობს სამასი პირი, დელეგატი. მათგან ნახევარი პარლამენტის წევრი, ხოლო დანარჩენი ნახევარი ადგილობრივი თვითმმართველობის წარმომადგენლობიდან იქნებიან. როგორც პარლამენტის წევრები, ასევე ადგილობრივი თვითმმართველობები პირდაპირი წესით არიან მოსახლეობის მიერ არჩეულნი“, – აღნიშნა მახაშვილმა.
დადგენილების პროექტს, რომლის მიხედვითაც საპრეზიდენტო არჩევნები 14 დეკემბერს ჩატარდება, პარლამენტმა მხარი დაუჭირა.
კომენტარები