საქართველოს პრეზიდენტმა, სალომე ზურაბიშვილმა დღეს ათი მსჯავრდებული პირი შეიწყალა.
პრეზიდენტის პრესსამსახურის ცნობით, შეწყალებული პირებიდან სამი მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისგან, მათ შორის ერთი ქალი მსჯავრდებულია.
მათივე ინფორმაციით, ოთხ მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, მათ შორის ერთ ქალ მსჯავრდებულს. შეწყალების აქტი შეეხო ასევე სამ პირობით მსჯავრდებულს, რომლებიც სრულად გათავისუფლდნენ პირობითად ჩათვლილი თავისუფლების აღკვეთის შემდგომი მოხდისაგან.
კომენტარები