ოპოზიციას არჩევნებთან დაკავშირებით სასპეკულაციო აღარაფერი დარჩა. ეს არჩევნები შედგა და აბსოლუტურად ყველას ჰქონდა შესაძლებლობა მიეცა ხმა იმისთვის, ვისთვისაც სურდა, – განაცხადა ფრაქცია „ქართული ოცნების“ თავმჯდომარის მოადგილემ ლევან მაჭავარიანმა.
„რითაც ისინი (ოპოზიცია) თითქოსდა ბრჭყალებში ადასტურებდნენ, რომ ეს არჩევნები იყო არალეგიტიმური და გაყალბებული აბსოლუტურად არცერთი ასეთი პუნქტი ამ ანგარიშში არ მოხვედრილა. შესაბამისად, წერტილი დასმულია იმასთან დაკავშირებით, რომ მათ სასპეკულაციო აღარაფერი აქვთ დარჩენილი და, რა თქმა უნდა, ეს არჩევნები შედგა, ეს არჩევნები იყო ლეგიტიმური და აბსოლუტურად ყველას ჰქონდა შესაძლებლობა, რომ მიეცა ხმა იმისთვის, ვისთვისაც სურდა“, – განაცხადა მაჭავარიანმა.
ეუთო/ოდირმა საბოლოო დასკვნა გამოაქვეყნა, რომლის მიხედვითაც, 2024 წლის საპარლამენტო არჩევნები საქართველოში ჩატარდა კონკურენტულ და თავისუფალ გარემოში. დასკვნაში აღნიშნულია, რომ ოდირი მზად არის, საქართველოს ხელისუფლებას დაეხმაროს საარჩევნო პროცესის შემდგომ გაუმჯობესებაში და ანგარიშში განსაზღვრული რეკომენდაციების განხორციელებაში.