პარტია „ხალხის ძალის” წევრი დავით ქართველიშვილი 2003-12 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის შექმნის შესახებ “ეხო კავკაზა”-ში გამოქვეყნებულ სტატიას ეხმიანება და წერს, რომ “ეხო კავკაზას” ასკინკილით მოხტუნავე ცნობილი “ექსპერტები” ერთმანეთს ეჯიბრებიან “პირიქითა არმაგედონის” სურათის წარმოსახვაში.
„20 იანვარს ადგილობრივ ცვილის ფიგურებს დაემართება “იროდიონის სინდრომი” (“ცისფერი მთები”) – აი შარვალი რომ გაერღვა, თანაც ისე, ამის სპეციფიკური ხმაც რომ ისმის. ყველა ეუბნება: “გაგერღვაო კაცო შარვალი” – და არაო, ჯიუტად იქნევს ხელს იროდიონი. რეჟისორი აქაც გვიტოვებს ინტრიგას – ეს იროდიონის გარღვეული შარვლის ხმა იყო თუ ჭერზე გამსკდარი ბიაზის.
რა მნიშვნელობა აქვს – ვერც ბიაზის გასკდომას ათვითცნობიერებენ ნგრევისკენ განწირული შენობის მობინადრენი: ხან მიწის ქვეშ ეძებენ მიზეზებს და ხან მოტობურთს აბრალებენ. საბოლოო ჯამში მაინც გაქცევით შველიან თავს. ამხელა შესავალი რისთვის დამჭირდა: “რადიო თავისუფლების”, როგორც მთავარი რეზიდენტურის ფილიალის, “ეხო კავკაზას” ბოლო პუბლიკაციას გაეცანით, სადაც ასკინკილათი მოხტუნავე ცნობილი “ექსპერტები” ერთმანეთს ეჯიბრებიან “სასოწარკვეთილი დიასახლისების” საუკეთესო ტრადიციებში “პირიქითა არმაგედონის” სურათის წარმოსახვაში: “ქართული ოცნება” კუთხეშია მომწყვდეული, მისი ამომრჩეველი უმცირესობაშია, აშშ-მ მას სასიკვდილო განაჩენი გამოუტანა და ა.შ.
ანუ პროფესიონალი-დეზინფორმატორების პოზიციებიდან მაქსიმალურად ქმნიან შთაბეჭდილებას, რომ “იროდიონს შარვალი არ გაერღვა” და შენობის ნგრევას მხოლოდ “მოტობურთის გაუქმება” შეუწყობს ხელს. “ეხო კავკაზას” პუბლიკაციის მთავარი გმირები – ღვაწლმოსილი და “დამსახურებული” აგენტები არიან, რომელთა ჯაშუშობაში სამართლებრივი მხილება, წესით მხოლოდ სახელმწიფოს პოლიტიკურ ნებასა და დროის ფაქტორზე უნდა იყოს დამოკიდებული,” – წერს დავით ქართველიშვილი.