პარტია “ხალხის ძალის” წევრი დავით ქართველიშვილი სოციალურ ქსელში ვრცელ პოსტს ავრცელებს და დონალდ ტრამპის ადმინისტრაციის პირველ ქმედით ნაბიჯებს ეხმიანება.
ანალიტიკოსი წერს, რომ მეორე საპრეზიდენტო ვადის პირველივე დღეს, ტრამპის ადმინისტრაციამ ბაიდენის მიერ გამოცემული 78 აღმასრულებელი
განკარგულება გააუქმა. მისი თქმით, სრული სია ჯერ არ გამოქვეყნებულა, თუმცა ცნობილია ძირითადი გადაწყვეტილებები.
“დონალდ ტრამპის ადმინისტრაციამ თავისი მეორე საპრეზიდენტო ვადის პირველივე დღეს გააუქმა ჯო ბაიდენის მიერ გამოცემული 78 აღმასრულებელი განკარგულება. მიუხედავად იმისა, რომ ყველა გაუქმებული განკარგულების სრული სია ჯერ არ გამოქვეყნებულა, ცნობილია ზოგიერთი ძირითადი გადაწყვეტილება:
✅ გაუქმდა დისკრიმინაციის წინააღმდეგ ბრძოლის გაფართოებული ნორმები, რომლებიც ფედერალურ სააგენტოებს ავალდებულებდა, დისკრიმინაციის აკრძალვების გაფართოებას გენდერულ იდენტობასა და სექსუალურ ორიენტაციაზე
✅ გაუქმდა განკარგულება, რომელიც აღმასრულებელი ხელისუფლების თანამდებობის პირებს ეთიკური ნორმების დაცვის ვალდებულებას აკისრებდა
✅ გაუქმდა განკარგულება, რომელიც ტრანსგენდერ პირებს აშშ-ის შეიარაღებულ ძალებში სამსახურის უფლებას ანიჭებდა
✅ გაუქმდა განკარგულება, რომელიც კერძო ციხეებთან კონტრაქტების განახლებას კრძალავდა.
✅ გაუქმდა კუბის ტერორიზმის სპონსორების სიიდან ამოღების განკარგულება.
✅ აშშ-მ დატოვა პარიზის კლიმატის შეთანხმება
✅ აშშ-მ შეწყვიტა მონაწილეობა ჯანმრთელობის მსოფლიო ორგანიზაციაში
✅ OECD-ის მინიმალური გადასახადის შეთანხმების გაუქმება: აშშ-მ დატოვა ეკონომიკური თანამშრომლობისა და განვითარების ორგანიზაციის (OECD) შეთანხმება, რომელიც 15%-იანი მინიმალური გადასახადის დაწესებას ითვალისწინებდა საერთაშორისო კორპორაციებისთვის,”– წერს დავით ქართველიშვილი სოციალურ ქსელში.