რადიკალური მიზნების ჩასახშობად მთელი მსოფლიოს მასშტაბით მათ შორის საქართველოში ვაშინგტონმა ფინანსური წყარო გადაკეტა – მხოლოდ საქართველოს მაგალითზე საუბარია ასეულობით მილიონზე. ერთ-ერთი ასეთია სამოქალაქო საზოგადოების ჩართულობის პროგრამა – ხუთწლიანი ინიციატივა, რომელსაც დაფინანსებით „აღმოსავლეთ-დასავლეთის მართვის ინსტიტუტი“ ახორციელებს. პროგრამის ბიუჯეტი 17 მილიონი დოლარია.
,,იმედის კვირისთვის“ შიდა საუბრების შინაარსი ექსკლუზიურად გახდა ცნობილი. წყაროს ინფორმაციით ამ პროგრამის ხელმძღვანელი უკმაყოფილოა, რომ პროექტის ფარგლებში ერთი თეთრის გადარიცხვაც კი აეკრძალა. სავარაუდოდ, თამარ ქაროსანიძე ესაუბრება კოლეგას და უხსნის, რომ დავალებებს აძლევენ (აქ სავარაუდოდ „დიფ სთეითი“ იგულისხმება) მაგრამ ფულის გამოყენების უფლება შეეზღუდა. რაზეც კოლეგა პასუხს რომ ამიტომ ეზიზღება მასკიც და ეზიზღება ტრამპიც.
სავარაუდოდ, თამარ ქაროსანიძისა და უცნობი პირის დიალოგი ასეთია:
თამარ ქაროსანიძე: USAID-ის პროექტების გაჩერება გვიწევს. თუკი რაიმე ასაზრდოებს აქციებს, რის იმედად უნდა ვიყოთ? დავალებებს გვაძლევენ და ფულს არა.
უცნობი პირი: მასკი და ტრამპი მეზიზღება.
თამარ ქაროსანიძე: წერილი მივიღეთ, არანაირი გადახდა არ განახორციელოს ewmi (east west management institute) პროგრამითო. სხვა დონორები გვაქვს, მაგრამ იმათაც არ აქვთ განკარგვის უფლება.
„იმედის კვირამ“ ამ დიალოგის და წყაროს მონათხრობის გადამოწმება და დაზუსტება სცადა, უშუალოდ ადრესატთან თამარ ქაროსანიძესთან, რომელიც ის მიუწვდომელი აღმოჩნდა -ელექტრონული ფოსტა, მოკლე ტექსტური შეტყობინება პირად ტელეფონზე, შეხვედრის სურვილით ოფისში სტუმრობა და საცხოვრებელ მისამართზე მისვლა – რამდენიმე დღიანი მცდელობა უშედეგოდ დასრულდა.