აშშ-ის პრეზიდენტმა დონალდ ტრამპმა ისრაელის პრემიერ-მინისტრთან ბენიამინ ნეთანიაჰუსთან ერთობლივ პრესკონფერენციაზე განაცხადა, რომ ამერიკა ღაზის სექტორზე კონტროლს დაამყარებს.
„შეერთებული შტატები ღაზის სექტორზე კონტროლს დაამყარებს, და ჩვენ ჩვენს სამუშაოს გავაკეთებთ“, – თქვა ტრამპმა.
„ჩვენ მას დავეუფლებით და ავიღებთ პასუხისმგებლობას საშიში, აუფეთქებელი ბომბებისა და სხვა შეიარაღების ნეიტრალიზებაზე“, – დასძინა მან.
ტრამპმა აგრეთვე განაცხადა, რომ პალესტინელების ნაწილი იორდანიაში ან ეგვიპტეში უნდა გადასახლდეს. მან ღაზას ჯოჯოხეთი უწოდა, თუმცა იქვე დასძინა, რომ აპირებს იქ „ახლო აღმოსავლეთის რივიერა“ გააშენოს.
კომენტარები