„საინტერესოა ის, რომ სწორად ვაკეთებდით აქცენტებს, სწორად ვაკეთებდით მითითებებს იმ საკითხებთან დაკავშირებით, რაც ხდებოდა საქართველოში და საქართველოსთან მიმართებაში და დღეს ალბათ ჩვენი საზოგადოება, ყველა კარგად ხედავს თუ რამხელა ძალასთან გვიწევდა გამკლავება, როდესაც საუბარი იყო სიმართლის ძიებაზე და სიმართლის მტკიცებაზე, როდესაც საქმე ეხებოდა სწორედ სამართლის უზენაესობას და სახელმწიფოს სწორად ფუნქციონირებას საქართველოს შემთხვევაში”, – განაცხადა საქართველოს საგარეო საქმეთა მინისტრმა, მაკა ბოჭორიშვილმა.
მისივე თქმით, ეს არის ძალიან კარგი მაგალითი, თუ როგორ არ უნდა ხორციელდებოდეს სხვადასხვა სახელმწიფოს მხრიდან ვითომ და ქვეყნების საკეთილდღეოდ გაწეული საგარეო დახმარებები, რომლებიც სინამდვილეში არასწორად არის ხოლმე გამოყენებული.
გარდა ამისა, საგარეო უწყების ხელმძღვანელმა აღნიშნა, რომ აშშ-ის ახალი ადმინისტრაციის მხრიდან დღეს აქცენტები კეთდება იმ საკითხებზე, მათ შორის სხვადასხვა ფონდის საქმიანობაზე, რომლებზეც მრავალი წელია საუბრობს საქართველოს ხელისუფლება.