გერმანიის ქალაქებში საავტომობილო ვანდალიზმის უკან გერმანიის მთავრობა რუსულ კვალს ხედავს.
გერმანული მედიის ინფორმაციით, ქვეყნის პოლიცია იძიებს საქმეებს, სადაც რუსეთი არის პასუხისმგებელი დივერსიული კამპანიის კოორდინაციაზე, რომელიც მიზნად ისახავდა გარემოს დამცველებისა და „მწვანეთა პარტის“ დადანაშაულებას ასობით მანქანის მიმართ ვანდალიზმის გამო.
ბერლინში და ბრანდენბურგის ფედერალურ მიწაზე, ასევე ბავარიასა და ბადენ-ვიურტემბერგის სამხრეთ ფედერალურ მიწებში 270-ზე მეტი მანქანის გამონაბოლქვის მილები სამშენებლო ქაფით ამოავსეს.
გერმანიის პოლიციამ სამშენებლო ქაფის ავზები და ქაფის იარაღი აღმოაჩინა ავტომობილში, რომელსაც სამი კაცი მართავდა ბერლინთან ახლოს რუტინული პატრულის შემოწმების დროს დეკემბერში.
ცოტა ხნის შემდეგ 43 მანქანის მფლობელმა შეიტანა საჩივარი გამონაბოლქვი მილების დაზიანების შესახებ. დაზიანებულ მანქანებზე ვიცე-კანცლერის, რობერტ ჰაბეკის და „მწვანეთა პარტიის“ კანცლერობის კანდიდატის გამოსახულებით სურათები დატოვეს, სადაც იყო წარწერა: „იყავი უფრო მწვანე“.
სამხრეთ ქალაქ ულმში პროკურორებს ასევე ჰყავთ ოთხი ეჭვმიტანილი. ადგილობრივი პოლიციის სპიკერმა თქვა, რომ ოთხი კაცი – გერმანელი, სერბი, რუმინელი და ბოსნიელი – ეჭვმიტანილი იყო ვანდალიზმის 123 შემთხვევაზე.
ერთ-ერთმა მამაკაცმა განაცხადა, რომ მას და მის თანამზრახველებს დაუკავშირდა და ეს საქმე დაავალა რუსმა პიროვნებამ „ვაიბერის“ გამოყენებით. მისი თქმით, მათ მიიღეს დეტალური მითითებები და დაჰპირდნენ 100 ევროს თითოეული დაზიანებული მანქანისთვის.