უკრაინის თავდაცვის ძალებმა კრასნოდარის ოლქში პრიმორსკ-ახტარსკის აეროდრომზე მიიტანეს დარტყმები, საიდანაც ოკუპანტები უკრაინის ტერიტორიის მიმართულებით, „შაჰედის“ ტიპის უპილოტო საფრენ აპარატებს უშვებენ. ინფორმაციას უკრაინის შეიარაღებული ძალების გენშტაბი ავრცელებს.
„უკრაინის შეიარაღებული ძალების უპილოტო სისტემების ქვედანაყოფებმა თავდაცვის ძალების სხვა შენაერთებთან ერთად 6 თებერვალს პრიმორსკ-ახტარსკის აეროდრომზე მიიტანეს იერიში. ეს არის საავიაციო საშუალებების ბაზირების ობიექტი. მას უკრაინის ტერიტორიის მიმართულებით „შაჰედის“ ტიპის უპილოტო საფრენი აპარატების შენახვის, მომზადებისა და გაშვებისთვის იყენებენ“, – ნათქვამია უკრაინის შეიარაღებული ძალების განცხადებაში.
უკრაინის გენშტაბის ინფორმაციით, მიზანი განადგურებულია. დაბომბვას აეროდრომზე ხანძარი მოჰყვა.