შტაბის ხელმძღვანელობა და პარალელურად ქვეყნის პირველი პირობა არის წარმოუდგენლად რთული რამ და ამის თავის გართმევა რთულია, – განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ, პრემიერ-მინისტრ ირაკლი კობახიძის ერთწლიანი მუშაობის შეჯამებისას გადაცემაში „იმედის კვირა“.
„ამ დროს არის მაგალითად ბევრი ცდუნება, რომელსაც ის ძალიან წარმატებით ართმევს თავს. ცდუნება იმისა, რომ რაღაც დეტალებში შეხვიდე და ჩაიკარგო და უკან ამ სისტემურ თემებთან დაბრუნება ვერ მოახერხო, კონკრეტულ ეპიზოდებში. ირაკლი ახერხებს ხოლმე შევიდეს დეტალებში, გაერკვეს, დაუბრუნდეს უკან სისტემურ საკითხებს და გადავიდეს სხვა თემაზე ისე, რომ ეს სხვა თემა იმ დეტალიზაციის და რუტინული გადაწყვეტილებების მიღების აუცილებლობის პარალელურად არ გააფუჭოს და არ დაკარგოს ეს ხაზი”, – განაცხადა მამუკა მდინარაძემ.
იგი ასევე აღნიშნავს, რომ ირაკლი კობახიძის მსგავსი უნარების ლიდერი უიშვიათესია და ამ ყველაფერს ემატება ბევრი პოლიტიკოსისთვის დეფიციტური, თუმცა, კობახიძისთვის დამახასიათებელი სიმშვიდე და მყარი ნერვული სისტემა.
„ცალ-ცალკე შეიძლება მიჰყვე, ნერვებიც გაიმყარო და ამ შემოტევების მიმართ იყო მყარი, ეკონომიკასა და სუვერენიტეტზეც იზრუნო, მაგრამ ყველაფერი ერთად როცა გროვდება, ამაშია სირთულე და ამას ართმევს წარმატებით თავს. არ შეიძლება ამ შემთხვევაში არაბუნებრივად მაგარი კაცის, ამ მიმართულებით, ბატონი ბიძინას გვერდით დგომა, რჩევებიც არ გავითვალისწინოთ იმიტომ, რომ ჩვენ ეს პარტიული მუშაობა, პარტიული კონსულტაციები მის საპატიო თავმჯდომარესთან ერთად, მისი სიმყარე, გარკვეული მაგალითის ძალის მატარებელია“, – აღნიშნა მამუკა მდინარაძემ.