ტრამპთან შეხვედრის შედეგი უზრუნველყოფს ისრაელის უსაფრთხოებას თაობებისთვის, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.
„მე არ ვაჭარბებ. არსებობს შესაძლებლობები, რომლებზეც, ვფიქრობ, ჩვენ არასდროს გვიოცნებია ან, სულ მცირე, რამდენიმე თვის წინ ეს შესაძლებლობები შეუძლებელი ჩანდა, მაგრამ ახლა შესაძლებელია“, – განაცხადა ნეთანიაჰუმ, თუმცა დეტალების შესახებ არ უსაუბრია.
ისრაელის პრემიერ-მინისტრის თქმით, ტრამპი დათანხმდა, რომ ომის ყველა მიზანი, რომელიც ისრაელმა დასახა, უნდა შესრულდეს.
„ჰამასის ლიკვიდაცია, ყველა ჩვენი მძევლის დაბრუნება, იმის უზრუნველყოფა, რომ ღაზა აღარ წარმოადგენდეს საფრთხეს ისრაელისთვის, ჩრდილოეთისა და სამხრეთის ყველა მცხოვრებლის სახლებში დაბრუნება და, რა თქმა უნდა, ირანის მხრიდან ბირთვული იარაღის მოპოვების თავიდან აცილება“, – აღნიშნა ნეთანიაჰუმ.
მისი თქმით, ტრამპმა შესთავაზა „შემოქმედებითი ხედვა“, რომელიც ისრაელს ბევრ შესაძლებლობას გაუხსნის.