„ბაკურიანი 2025-ზე“ პირველ საშეჯიბრო დღეს 5-მა ქართველმა სპორტსმენმა იასპარეზა, რომელთაგანაც 4 გიგანტურ სლალომში გამოდიოდა. ჩვენი ქვეყნის წარმომადგენლებიდან საუკეთესო შედეგი ირაკლი ხერგიანმა აჩვენა. ორი დაშვების ჯამში მისი დრო 1:45.04 წამი გახლდათ, რითაც 43-ე ადგილზე გავიდა. ამ დისციპლინის გამარჯვებული კი დიდი ბრიტანეთის წარმომადგენელი გახდა, რომელსაც ოქროს მედალი დაჯილდოების ცერემონიალზე გადაეცა.
რაც შეეხება ბიატლონს, ინდივიდუალურ რბოლაში შიო ქუჩუკიანმა 64-ე პოზიცია დაიკავა, ჩემპიონობა კი პოლონელმა მოიპოვა. ხუთივე სპორტსმენი მომდევნო დღეებში ახალგაზრდულ ფესტივალზე მონაწილეობას სხვა დისციპლინებშიც მიიღებენ. დღეს კი ასპარეზობაში გოგონები ჩაერთვებიან. ანასტასია მირიანაშვილი და ნელი უსტამენკო ძალებს გიგანტურ სლალომში მოსინჯავენ.
კომენტარები