მუნიციპალიტეტის მერიის ორგანიზებით, თბილისის მერიის მწვრთნელთა მხარდაჭერის პროგრამის მონაწილე მწვრთნელ-მასწავლებლებთან შეხვედრა და პროგრამის უხუცესი მწვრთნელების დაჯილდოების ღონისძიება გაიმართება.
შეხვედრას, რომელზეც პროგრამის მნიშვნელობაზე, მიღწეულ შედეგებსა და მის სამომავლო განვითარებაზე ისაუბრებენ, თბილისის მერის მოადგილე ანდრია ბასილაია საქართველოს სპორტის მინისტრ შალვა გოგოლაძესთან ერთად დაესწრება.
პროგრამაში მონაწილეობს 350 მწვრთნელ-მასწავლებელი, რომლებიც მოზარდებს 49 სახეობაში ავარჯიშებენ. ესენია: ფრენბურთი, ნიჩბოსნობა, ჭადრაკი, მეკლდეურობა, სპორტული ტანვარჯიში, მხატვრული ტანვარჯიში, სპორტული აკრობატიკა, ბატუტზე ხტომები, ბ/რ და თავისუფალი ჭიდაობა, ფარიკაობა, მძლეოსნობა, მაგიდის ჩოგბურთი, მშვილდოსნობა, ძალოსნობა, ცურვა, წყალბურთი, წყალში ხტომა, სინქრონული ცურვა, აფროსნობა, ძიუდო, კრივი, ხელბურთი, სროლა, ველოსპორტი, რაგბი, ბეისბოლი და სოფტბოლი, ჩოგბურთი, სამბო, ქართული ჭიდაობა, კალათბურთი, კარატე, თანამედროვე ხუთჭიდი, ფუტზალი, ბალახის ჰოკეი, მფრინავი დისკი, უშუ, ბადმინტონი, პარაოლიმპიური სპორტის სახეობები (პარაწოლჭიმი და მჯდომარე ფრენბურთი), მკლავჭიდი, კიოკუშინკაი კარატე, ფეხბურთი, პანკრატიონი, ტაეკვონდო, ამერიკული ფეხბურთი, ტაიბოქსი და კიკბოქსინგი და ამპუტანტთა ფეხბურთი, ხრიდოლი, შერეული საბრძოლო ხელოვნება.
მწვრთნელთა მხარდაჭერის პროგრამის მიზანია სხვადასხვა სპორტულ სერვისებზე ხელმისაწვდომობის გაზრდა, სპორტის სახეობების განვითარება და მხარდაჭერა.
ღონისძიებას ასევე, თბილისის მერიის კულტურის, განათლების, სორტისა და ახალგაზრდულ საქმეთა საქალაქო სამსახურის უფროსი ირაკლი გვილავა და დედაქალაქის საკრებულოს სპორტის კომისიის თავმჯდომარე გურამ ოქროპირიძე დაესწრებიან.
ინფორმაციას თბილისის მერიის პრესსამსახური ავრცელებს.