ვფიქრობ, ეს ისტორიული პროცესია, დაგვიანებული ნიურნბერგის პროცესი, რომელიც „ნაციონალური მოძრაობის“ უცხოელი მფარველების გამო დღემდე ვერ შედგა ბოლომდე, – განუცხადა ჟურნალისტებს საქართველოს პარლამენტის თავმჯდომარე შალვა პაპუაშვილმა პარლამენტის საგამოძიებო კომისიის მუშაობასთან დაკავშირებით.
შალვა პაპუაშვილის თქმით, ეს არის ისტორიული პროცესი, დაგვიანებული ნიურნბერგის პროცესი, რომელიც „ნაციონალური მოძრაობის“ უცხოელი მფარველების გამო დღემდე ვერ შედგა ბოლომდე.
„2012 წელს, როდესაც რეჟიმი დაამარცხა ქართველმა ხალხმა, თქვენ გახსოვთ, მაშინ ხელისუფლებას არ მისცეს შესაძლებლობა ბოლომდე მიეყვანა მართლმსაჯულება, წამების სისტემის შექმნილების, კორუფციის სისტემის შემქმნელების წინააღმდეგ. მაშინ და დღეს ვხედავთ, დღესაც კი როგორი მფარველობა აქვს ამ პოლიტიკურ ჯგუფს იმ ჯგუფისგან, რომელსაც დღეს უკვე ღიად დაერქვა სახელი, მათ შორის, ამერიკის შეერთებული შტატების ახალი ადმინისტრაციის მხრიდან როგორც „დიფ სთეითი“, როგორი მფარველობა აქვთ დღეს და მაშინ წარმოგიდგენიათ რა შესაძლებლობა ჰქონდა ახალ ხელისუფლებას. უფრო ნაკლები ამ მხრივ და რამხელა გავლენა ჰქონდა იმ უცხოურ ძალებს, რომ არ დაეშვათ მათი მფარველობის ქვეშ მყოფი მართლაც აგენტების გასამართლება. ამიტომ, დაგვიანებით, მაგრამ შედგება ახლა ნიურნბერგის პროცესი. ჩვენ ვაკეთებთ იმას, რაც დავპირდით ჩვენს მოსახლეობას არჩევნებზე. ყველა ჩვენი ნაბიჯი არის ჩვენი წინასაარჩევნო დაპირების ასრულება და მათ შორის „ნაციონალური მოძრაობის“ გასამართლებაც იყო ჩვენი წინასაარჩევნო დაპირება და ამას საპარლამენტო საგამოძიებო კომისიის ფორმატში ვაკეთებთ. რაც შეეხება პირველ დღეს, უკვე პირველ დღესვე გაჟღერდა ზოგი საკითხი, რომელიც შეიძლება საზოგადოებას არც ჰქონდა აქამდე მოსმენილი, ზოგი საკითხი კი განაახლა ალბათ ყველამ საკუთარ მეხსიერებაში”, – აღნიშნა შალვა პაპუაშვილმა.