თქვენ იცით, რომ ეს მუხლი [ღალატის] ომამდე [აგვისტოს ომი] რამდენიმე თვით ადრე ამოიღეს სისხლის სამართლის კოდექსიდან, რაც თავისთავად მიანიშნებდა იმაზე, რომ ისინი შეგნებულად აპირებდნენ საკუთარი სახელმწიფოს და ხალხის ღალატს, – განაცხადა გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა ვლადიმერ ბოჟაძემ.
„თქვენ იცით, რომ ეს მუხლი [ღალატის] ომამდე [აგვისტოს ომი] რამდენიმე თვით ადრე ამოიღეს სისხლის სამართლის კოდექსიდან, რაც თავისთავად მიანიშნებდა იმაზე, რომ ისინი [„ნაციონალური მოძრაობის“ ხელისუფლება] შეგნებულად აპირებდნენ საკუთარი სახელმწიფოს და ხალხის ღალატს. ვაბრუნებთ ერთი ერთში იმ მუხლს, რომელიც მანამდე არსებობდა იმისათვის, რომ აქაც გარკვეული სპეკულაციები ამას არ მოჰყვეს, რომ ჩვენ ვინმეს წინააღმდეგ ვიყენებთ, რაღაცა სხვანაირი კანონი მივიღეთ და ა.შ.
ინიციირების და მუშაობის პროცესში შეიძლება გამოიკვეთოს რაიმე სხვა დეტალებიც, თუმცა ძირითადად საუბარი არის იმაზე, რომ მათ შორის უკვე არსებულ კანონმდებლობას შესაბამის სასჯელთან და სახდელთან ერთად ასევე მიესადაგოს სამშობლოს ღალატის მუხლი“, – აღნიშნა ბოჟაძემ.
მმართველი გუნდის ინიციატივით სისხლის სამართლის კოდექსში სამშობლოს ღალატის მუხლი აღდგება. კანონმდებლები საკითხზე მუშაობას მიმდინარე კვირაში იწყებენ.