აშშ-ს, რუსეთსა და ჩინეთს შორის შედგება დიდი მოლაპარაკება და მათი მხრიდან მოხდება ევროპის ერთგვარი გაკულაკება, – განაცხადა „დღის ქრონიკაში“ პოლიტოლოგმა ირაკლი გოგავამ.
მისი თქმით, ევროპის გაკულაკება ნელა მოახდენს ევროპაში ცხოვრების დონის დეგრადაციას.
„საბოლოო ჯამში, მონოპოლარული მსოფლიოს დასრულება თვითონ მარკო რუბიომ გამოაცხადა, გამოცხადდა მრავალპორალური სამყაროსგან სვლაც. ჩინეთი სერიოზული კონკურენტია მთელი რიგი მიმართულებებით და მისი შეკავების ღონისძიებები უკვე დაიწყო აშშ-მა. ეს 10%-იანი საბაჟო ტარიფი სწორედ ამას მიუთითებს და ტექნოლოგიური შეკავებაც დაწყებულია, ჩინეთში პატენტების გაგზავნა, მიწოდებაც უკვე აიკრძალა. ამ ბრძოლაში ყველა გათვლებით, მოდელირება როცა ხდება, შეერთებული შტატები ამ ბრძოლას ვერ მოიგებს თუ, რუსეთი დადგება ჩინეთის მხარეს და თუ რუსეთი ნეიტრალური იქნება, ამ შემთხვევაში შეკავება შესაძლებელია. საბოლოო ჯამში, ეს ყველაფერი მიგვიყვანს იქამდე, რომ ამ სამეულს შორის აშშ-ს, რუსეთსა და ჩინეთს შორის შედგება დიდი მოლაპარაკება. ევროპას რაც შეეხება, ევროპა არასამართლიანად იკავებს იმ ადგილს, რომელსაც იკავებს დღეს. რატომ?! იმიტომ, რომ მისი ბუნებრივი რესურსები, გეოგრაფია, არ იძლევა საშუალებას იმ სტატუსის უზრუნველყოფისა, რაც დღეს აქვს. ამიტომ მოხდება ევროპის ერთგვარი გაკულაკება აშშ-ის, ჩინეთისა და რუსეთის მხრიდან. განუზომლად იქნება დეგრადაცია, ოღონდ ნელა, ცხოვრების დონის და ეს პროცესი დაწყებულია“, – აღნიშნა გოგავამ.
მან ასევე ისაუბრა იმაზე, რომ სავარაუდოდ აშშ მალე შეუტევს ოფშორულ ზონებსაც.
„მე ველოდები აუცილებლად შეერთებული შტატების შეტევას ოფშორული თემების მიმართ. მსოფლიოში 80% დიდი ბრიტანეთის თანამეგობრობაშია და ოფშორული ზონების არის უკონტროლო ფული. გარდა ამისა, არსებობს გაეროს კონვენცია გადასახადების შესახებ, მაგრამ დაახლოებით 8 ქვეყანა აფერხებს ამის მიღებას. ამიტომ ამ შეტევას ველოდები შეერთებული შტატების მხრიდან, რაც სამართლიანი იქნება იმიტომ, რომ ექსპერტების თქმით 35 ტრილიონზე მეტია ოფშორულ ზონებში, რაც ჯობია დაბრუნდეს წარმოშობის სახელმწიფოებში და ამ ფულის გამოყენება მოხდეს მოსახლეობის კეთილდღეობისთვისაც, გადასახადების თუ ეკონომიკაში ინვესტირების სახით. ქართველ ბიზნესმენებსაც ალბათ უნდა მოვუწოდოთ, რომ ოფშორებიდან ჩამოიტანონ ფული. ამ ხელისუფლებამ მიიღო კანონი და თავისუფალია ახლა რეპატრიაცია თანხების. საქართველოს ეკონომიკა ისედაც მაღალი ტემპებით ვითარდება და ეს კიდევ უფრო გაზრდის ჩვენს განვითარების ტემპს“,- განაცხადა გოგავამ.