კოლექტიური „ნაცმოძრაობა“ ზურაბიშვილის თამადობით მძიმე დღეშია, ზურაბიშვილი და ხაზარაძე დონალდ ტრამპის ინაუგურაციაზე რომ ჩავიდნენ, ახლა რას ფიქრობენ, უნდა ჩასულიყვნენ თუ არა? – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.
როგორც მაჭარაშვილმა აღნიშნა, „ნაცმოძრაობამ“ პარლამენტიდან თავი გაიგდო, ქუჩაში არ უჯერებენ და ამერიკიდანაც წითელი აუნთეს.
„მაინტერესებს, სალომე ზურაბიშვილი და მამუკა ხაზარაძე დონალდ ტრამპის ინაუგურაციაზე რომ ჩავიდნენ, ახლა რას ფიქრობენ, უნდა ჩასულიყვნენ თუ არა? კოლექტიური „ნაცმოძრაობა“, ზურაბიშვილის თამადობით, მძიმე დღეშია. უეცრად მათთვის უბედურების ზარმა ჩამოკრა. ქვეყნის შიგნიდან ხალხმა უარყო, პარლამენტიდან თავი გაიგდეს, ქუჩაში არავინ უჯერებთ და ამერიკიდან წითელი აუნთეს – ეს „ნაცმოძრაობის“ თავზე, ხოლო სალომე ზურაბიშვილის თავზე კვერცხებია. როცა აგენტურაში ჩაეწერები და საკუთარი ქვეყნის წინააღმდეგ გამოხვალ, ასეთი მკვეთრი რეაქცია სულ იქნება. 84 დეპუტატს ტყვიებს გვესროდნენ და ამას ზურაბიშვილი ახალისებდა, ხოლო USIAD აფინანსებდა. ტყვიებს კვერცხები სჯობს. რა თქმა უნდა, ზოგადად, არც კვერცხის სროლაა კარგი და არც ქუჩაში შეძახილები, მაგრამ როცა ხალხის მიერ არჩეულ დეპუტატებს ტყვიებს უსურვებენ და ამას ახალისებ, ასეთ რეაქციებს უნდა ელოდო“, – განაცხადა მაჭარაშვილმა.