ექიმმა, კონეკტიკუტის უნივერსიტეტის პროფესორმა, საზოგადოება „ქართულის“ წევრმა, პიმენ ყურაშვილმა „დღის ქრონიკაში“ ისაუბრა, თუ რა განწყობები აქვს ამომრჩეველს ამერიკაში ტრამპის ხისტ გადაწყვეტილებებზე. პროფესორმა აღნიშნა, რომ ამომრჩეველი გახარებული და ბედნიერი იმით, რაც ახლა ხდება ამერიკაში.
„ამერიკელი ამომრჩეველი არ ელოდა ასე მალე იმის გამოაშკარავებას, თურმე, რა ხდებოდა მანამდე. ილონ მასკის გუნდმა მთელ მსოფლიოს დაანახა, რომ ისეთი მძლავრი არასამთავრობო ორგანიზაციები, როგორიცაა USAID-ი, NED-ი, რა პროცესებში იღებდნენ მონაწილეობას მთელი მსოფლიოს მასშტაბით, მათ შორის საქართველოში.
ტრამპის ამომრჩეველს ღირებულებითი დამოკიდებულება აქვს, რომ გენდერული თეორიების პროპაგანდებს თვითონ ამერიკაშიც არ ეთანხმებიან და საკმაოდ დიდი აგრესია აქვთ. მე ამერიკაში მყავს მეგობრები, რომლებსაც სკოლაში არ დაჰყავთ ბავშვები და სახლში „ჰოუმ სქულინგს“ აკეთებდნენ ამ წლების განმავლობაში.
ჩემი შვილი, 14 წლის გოგოა, სკოლა რომ დაიწყო, მოვიდა და მითხრა: მათემატიკის მასწავლებელი ისე გამოიყურება, არ ვიცი ქალია თუ კაციო. ეს მასწავლებელი ბავშვებს ეუბნებოდა, მომმართეთ როგორც „მიქსტერ“, ანუ არც „მისტერ“ და არც „მისის“, ეს არის შერეული, რაღაც ახალი სიტყვა მოიგონეს და 14 წლის ბავშვებს აიძულებდნენ, მისთვის ასე მიემართათ.
ტრამპის ინაუგურაციამდე 2 კვირით ადრე ამ მასწავლებელმა ბავშვებს გამოუცხადა, რომ მისთვის „მისტერით“ მიემართათ. ამ ადამიანს მანამდეც შეეძლო აერჩია ან ერთი ან მეორე. აი,სწორედ ამაზე აქვს ბევრ ადამიანს აგრესია“, – აღნიშნა პროფესორმა.