ძვირფასი ლითონების დაკავშირება ომის დასრულებასთან, ცოტა რთულია, ამ შემთხვევაში, – განაცხადა გადაცემა „დღის ქრონიკაში“ „ერთიანი ნეიტრალური საქართველოს“ ერთ-ერთმა დამფუძნებელმა ბიძინა გიორგობიანმა რუსეთ-უკრაინის ომის დასრულების პერსპექტივებზე საუბრისას.
„თუ ვერ მოაწერს ზელენსკი ხელს ამ შეთავაზებას, უკვე მესამედ სთავაზობენ. მის წინააღმდეგ ეს რიტორიკა, რომელიც უფრო მძაფრი იყო ორი დღის წინ, კიდევ უფრო გამძაფრდება. როგორ დასრულდება მისი ისტორია შემდეგ, არავინ იცის.
ომის დასრულება, ძვირფასი ლითონები, მეტალები და მინერალები – ცოტა შემოსული თემაა აქ რომ, ამერიკული მხარე ცდილობს რამენაირად მიიღოს გარანტია იმ ფულის, რომელი ფულიც ჩადო ამ ომში. დონალდ ტრამპმა პირდაპირ განაცხადა, რომ ევროკავშირი როდესაც აძლევდა ფულს, ის აძლევდა გარანტიით. ანუ, რაღაც გარანტია წაღებული ჰქონდა ევროკავშირს უკვე უკრაინის სახელმწიფოსგან, განსხვავებით ამერიკის შეერთებული შტატებისგან და ისინი ეძებენ გამოსავალს, თუ რით შეუძლიათ დაიბრუნონ ის თანხა, რომელიც ოფიციალურად ამერიკის შეერთებული შტატების ხაზინიდან არის გაცემული. შემოვიდა ეს თემა, ამ ლითონების, თუმცა, ომის დასრულებასთან ამას ძალიან ნაკლები საერთო აქვს და როგორ დასრულება ეს ისტორია, კიდევ ერთხელ გავიმეორებ, არავინ იცის“, – აღნიშნა ბიძინა გიორგობიანმა.