პრეზიდენტი უნდა იყოს ისეთი ავტორიტეტი და არ უნდა იღებდეს ყველაფერში მონაწილეობას, არ უნდა გაიცვითოს. გინდა თუ არა, მე ვიქნები საკონსტიტუციო კომისიის თავმჯდომარეო, – ამის შესახებ ”ქართული ოცნების” წევრმა ნუკრი ქანთარიამ განაცხადა.
”მე რამდენჯერმე მითქვამს და ვფიქრობ, რომ კოლეგიის მიერ არჩეული პრეზიდენტი გაცილებით უფრო უპრიანია საპარლამენტო მოდელზე საუბრისას. რათა არ მოხდეს საყოველთაო მაღალი ლეგიტიმაციით არჩეული პრეზიდენტის და ამავე დროს მისი უფლება მოვალეობების დისბალანსი.
როგორც ჩანს, პრეზიდენტი მოწყურებულია ბევრ საქმეს. პრეზიდენტი საპარლამენტო მოდელის დროს არის უფრო სიმბოლო და არბიტრი. გარკვეულად ოქროს სათადარიგო მოთამაშე, რომ კრიზისის დროს უნდა ჩაერთოს და იყოს წარმომადგენლობითი და არა ის რომ ყოველდღიურ საქმიანობაში მიიღოს მონაწილეობა. მარგველაშვილს ყოველთვის გაურბის თვალი იქითკენ და უნდა, რომ სხვა საქმეებშიც ჩაერიოს. შეიძლება ეს არის კრიტიკის მიზეზი, თუმცა ვერ ვიტყვით, რომ უფუნქციო პრეზიდენტია.
არბიტრის როლის შესრულება ვფიქრობ, რომ მაინცდამაინც ისე ვერ არის როგორც უნდა იყოს.
პრეზიდენტი უნდა იყოს ისეთი ავტორიტეტი და არ უნდა იღებდეს ყველაფერში მონაწილეობას, არ უნდა გაიცვითოს. გინდა თუ არა, მე ვიქნები საკონსტიტუციო კომისიის თავმჯდომარეო, ასეთ რამეში მან არ უნდა მიიღოს მონაწილეობა. ის უნდა უყურებდეს მთლიან სურათს. თუ იქნება სახალხო არჩევნები პირდაპირი წესით, რაზე უნდა ელაპარაკოს მას ხალხი, ან რას უნდა დაპირდეს მათ-მე არბიტრი ვარო, ამას ხომ არ ეტყვის?”, – განაცხადა ქანთარიამ.