“უწესიერესი, გამორჩეული შვილი მყავს”, – ასე გამოეხმაურა საპარლამენტო უმრავლესობის დეპუტატი ირაკლი სესიაშვილი “ნაციონალური მოძრაობის” მიერ გავრცელებულ ინფორმაციას, რომელიც დეპუტატის შვილთან, დავით სესიაშვილთან დაკავშირებით გაახმაურეს.
ირაკლი სესიაშვილი შვილის ქურდობაში შესაძლო მონაწილეობას სიბინძურეს უწოდებს. იგი არ გამორიცხავს, რომ ოპოზიციის წარმომადგენლების წინააღმდეგ სასამართლოსაც მიმართოს.
ირაკლი სესიაშვილი მედიიის წარმომადგენლებთან ადასტურებს, რომ მისი შვილი სახელმწიფო უსაფრთხოების სამსახურში მუშაობს.
“ნამდვილად მუშაობს ჩემი შვილი, 6 თვით ხელშეკრულებით აიყვანეს. უწესიერესი, გამორჩეული შვილი მყავს, რომელიც მთლიანად ორიენტირებულია, სწავლაზე, განათლებაზე, პროფესიულ განვითარებაზე. ასეთი სიბინძურე, რომელიც პირდაპირ ჩემ წინააღმდეგ არის მომართული, მათი ხასიათი და სახეა. ასეთ ბინძურ ქმედებას პასუხის გარეშე არ დავტოვებ. იურისტებთან გავივლი კონსულტაციას და დარწმუნებული ვარ, სასამართლოს მივმართავ და პასუხსაც აგებენ ასეთი სიბინძურისთვის,“- განაცხადა ირაკლი სესიაშვილმა.
ირაკლი სესიაშვილი – უწესიერესი, გამორჩეული შვილი მყავს
2017/04/26 19:18:56
![](https://exclusivenews.ge/wp-content/uploads/2017/02/sesiashviliiiii-770x446.jpg)
ნანახია: 1328 ჯერ