“რესპუბლიკური პარტიის” ერთ-ერთი ლიდერი ლევან ბერძენიშვილი ყოფილი თანაპარტიელის, დავით უსუფაშვილის პოლიტიკაში დაბრუნებაზე საუბრობს.
“პოლიტიკაში დაბრუნებას ვერავინ ვერავის დაუშლის. ბუნებრივია, რომ პოლიტიკაში იქნება, გავიგეთ, რომ პოლიტიკაში დაბრუნდა, მაგრამ ვერ გავიგეთ – რა გუნდით და სახელით. გუნდის ნახვამდე ვერ გეტყვით, არის თუ არა ხელისუფლების ალტერნატივა. რა თქმა უნდა, ერთი კაცი ალტერნატივა არ არის. ინტერესი დავკარგეთ. ეს ჩვენი წარსულია. ჩვენი საქმე გვაქვს”, – ამბობს ლევან ბერძენიშვილი.
პარლამენტის ყოფილმა თავმჯდომარემ და „რესპუბლიკური პარტიის“ ყოფილმა ლიდერმა დღეს ახლებური, ცენტრისტული პოლიტიკური პარტიის შექმნა დააანონსა. პარტიის შემადგენლობას უსუფაშვილი საზოგადოებას მაისის ბოლოს წარუდგენს.
კომენტარები