ვლადიმირ პუტინი აცხადებს, რომ კურსკზე კონტროლი სრულად დაიბრუნა, ხოლო რეგიონში მყოფ უკრაინის შეიარაღებულ ძალებს, ორ გამოსავალს სთავაზობს. პუტინი ამბობს, რომ უკრაინელები ტერიტორიას უპირობოდ ვერ დატოვებენ, მათ ან განიარაღება და ტყვედ ჩაბარება მოუწევთ, ან დაიღუპებიან.
„კურსკში ვითარებას სრულად ვაკონტროლებთ. დაჯგუფება, რომელიც ჩვენს ტერიტორიაზე შემოიჭრა, ახლა სრულ იზოლაციაშია. თუ ორი კვირის წინ უკრაინელი სამხედროები იქიდან ნაწილ-ნაწილ, ჯგუფურად გამოსვლას ცდილობდნენ, ახლა ეს შეუძლებელია. ტექნიკა მთლიანად მიტოვებულია, მისი გაყვანაც შეუძლებელია. ის კურსკში დარჩება და თუ უახლოეს დღეებში ფიზიკური ბლოკირება მოხდება, იქიდან გამოსვლას საერთოდ ვეღარავინ შეძლებს, იარსებებს მხოლოდ ორი გზა – ტყვედ ჩაბარება, ან დაღუპვა“, – აცხადებს პუტინი.
კომენტარები