კანადის ახალმა პრემიერ-მინისტრმა, მარკ კარნიმ რუსეთს მოლაპარაკების მაგიდასთან დაჯდომისკენ მოუწოდა. კარნის თქმით, ის ესაუბრა დიდი ბრიტანეთის პრემიერ-მინისტრს, კირ სტარმერს, პრეზიდენტ ვოლოდიმირ ზელენსკის და ახლო მოკავშირეებს „უკრაინის მშვიდობისკენ მიმავალი გზის განსახილველად“.
კანადის ახალი პრემიერ-მინისტრის თქმით, მისი ქვეყანა მხარს უჭერს უკრაინაში ცეცხლის დაუყოვნებლივ შეწყვეტის წინადადებას.
„ახლა რუსეთი უნდა მორჩეს გაჭიანურებას და შეწყვიტოს თავდასხმები. დადგა დრო, რუსეთი ნებაყოფლობით დაჯდეს მოლაპარაკების მაგიდასთან“, – წერს კანადის პრემიერ-მინისტრი სოციალურ ქსელში.
მარკ კარნიმ აღნიშნა, რომ კანადა უკრაინის ერთგული მოკავშირეა.
„ჩვენ ვიზრუნებთ იმაზე, რომ უკრაინას ჰქონდეს თავდაცვისთვის საჭირო სამხედრო მხარდაჭერა – ახლაც და მომავალშიც“, – დასძინა კანადის პრემიერმა.