ჩვენ საქართველოსთან გვაქვს ძალიან მჭიდრო პარტნიორობა, ამის შესახებ საქართველოში აშშ-ის ელჩმა იან კელიმ აშშ-საქართველოს დიპლომატიური ურთიერთობების 25 წლის იუბილესთან დაკავშირებით გამართულ ფორუმზე სიტყვით გამოსვლისას განაცხადა.
„დღეს ჩვენ ვზეიმობთ პატნიორობას საქართველოს დამოუკიდებლობის აღდგენიდან. გვაქვს ძალიან მჭიდრო პარტნიორობა. აქ იმყოფება პირველი სამი ელჩი, ვინც საქართველოში საქმიანობდა და ამ შენობაში მსახურობდა, მაშინ აშშ-ს საელჩო იყო ამ შენობაში. ჩვენ უნდა ვისაუბროთ ერთობლივ მიღწევებზე და ასევე, დავსახოთ სამომავლო გეგმები“, – განაცხადა იან კელიმ.
ფორუმი თბილისში, ათონელის ქუჩაზე აშშ-ს საელჩოს ყოფილ შენობაში მიმდინარეობს. სტუმრებს სიტყვით მიმართეს აშშ-ს ელჩმა საქართველოში იან კელიმ, საქართველოს პრეზიდენტმა გიორგი მარგველაშვილმა და საქართველოს პრემიერ-მინისტრმა გიორგი კვირიმაშვილმა.
ღონისძიებას ესწრებიან მთავრობის წევრები, ყოფილი ელჩები, პარლამენტარები, ექსპერტები.