ამერიკის შეერთებული შტატების პრეზიდენტი, დონალდ ტრამპი არ გამორიცხავს, რომ ილონ მასკის კომპანია „ტესლას“ წინააღმდეგ განხორციელებულ თავდასხმებს კოორდინირებას ისეთი მემარცხენე მილიარდერები უწევდნენ, როგორიც ჯორჯ სოროსია.
ტრამპის თქმით, ისინი სავარაუდოდ, მის წინააღმდეგ არაერთი სასამართლო პროცესის წამოწყებაშიც იყვნენ ჩარეული.
„ვფიქრობ, რომ ამ თავდასხმების უკან ნაწილობრივ მილიარდერებიც არიან. ასევე ვფიქრობ, რომ ისინი ჩემ წინააღმდეგ სასამართლო პროცესებშიც იყვნენ ჩართულნი. ილონი შესანიშნავად მუშაობს. მან უპრეცედენტო მასშტაბის თაღლითობა და ბიუჯეტის ფლანგვა გამოააშკარავა. ასობით მილიარდი დოლარის ოდენობის თაღლითობაზეა საუბარი. ილონი ამას ქვეყნის სასიკეთოდ აკეთებს და სანაცვლოდ არაფერს მთხოვს“, – თქვა ტრამპმა.
კომენტარები