ამერიკელმა კონგრესმენმა ჯო უილსონმა, რომელიც საქართველოს წინააღმდეგ მიმართული „მეგობარი აქტის“ ავტორია, კონგრესში პაკისტანის დემოკრატიის მხარდამჭერი აქტი წარადგინა. ინფორმაციას უილსონის ოფიციალური ვებ-გვერდი ავრცელებს.
როგორც განმარტებით ბარათში წერია, კანონპროექტის მთავარ მიზანს პაკისტანში დემოკრატიისა და ადამიანის უფლებათა დაცვა და კანონის უზენაესობის უზრუნველყოფა წარმოადგენს. კანონპროექტის ავტორი ირწმუნება, რომ ეს საკითხები განსაკუთრებით მას შემდეგ გახდა აქტუალური, რაც 2024 წელს პაკისტანში საპარლამენტო არჩევნები ჩატარდა. უილსონს არჩევნების შედეგებთან დაკავშირებით კითხვები აქვს.
„მჯერა, რომ აშშ-პაკისტანის ურთიერთობები მაშინაა ყველაზე ძლიერი, როცა პაკისტანი თავის დემოკრატიულ იდეალებს მიჰყვება. სამყაროში, სადაც რუსეთის უკრაინაში უკანონო შეჭრის გამო კონფლიქტია, რომელიც ჩვენი არჩევანი არ ყოფილა, კანონის უზენაესობაზე დაფუძნებულ დემოკრატიასა და ძალის სამართლის დიქტატურას შორის კონფლიქტი წარმოიშვა, მსოფლიოში, მათ შორის პაკისტანში დემოკრატიისა და ადამიანის უფლებებისთვის ბრძოლას საგანგებო მნიშვნელობა ენიჭება“, – ნათქვამია უილსონი მიმართვაში.
კანონპროექტს კიდევ ერთი ავტორი ჰყავს – „დემოკრატი“ კონგრესმენი“ ჯიმი პანეტა.