ევროკომისიაში განაცხადეს, რომ უკრაინიდან რუსული ძალების გაყვანა ევროკავშირის სანქციების მოხსნის ან შეცვლის ერთ-ერთი მთავარი პირობა იქნება. ინფორმაციას ამის შესახებ სააგენტო Reuters-ი ავრცელებს.
„რუსეთის არაპროვოცირებული და გაუმართლებელი აგრესიის დასრულება უკრაინაში და რუსეთის სამხედრო ძალების უპირობო გაყვანა უკრაინის მთელი ტერიტორიიდან სანქციების შეცვლის ან მოხსნის ერთ-ერთი მთავარი წინაპირობა იქნება“, – განაცხადა ევროკავშირის საგარეო საქმეთა და უსაფრთხოების პოლიტიკის სპიკერმა, ანიტა ჰიპერმა.
ევროკომისიაში ხაზგასმით აღნიშნეს, რომ რუსეთმა ახლა უნდა გამოავლინოს ჭეშმარიტი პოლიტიკური ნება, რათა დაასრულოს თავისი უკანონო და არაპროვოცირებული აგრესიული ომი.
კომენტარები