ჩვენ სწორი სტრატეგია ავირჩიეთ და ძირითადი ინსტრუმენტი ჩვენ გამოვიყენეთ მეტი სიმართლე, ვგულისხმობ „ხალხის ძალის“ იმ განცხადებებს, რაც ამ გადმოსახედიდან იყო სასიცოცხლოდ მნიშვნელოვანი და აუცილებელი, – განაცხადა გადაცემაში „იმედი LIVE“ პოლიტიკური ჯგუფის „ხალხის ძალის“ ლიდერმა დიმიტრი ხუნდაძემ.
მისივე თქმით, მართალია, მაშინ ყურს ჭრიდა ძალიან ბევრს, მაგრამ შემდეგ აღმოჩნდა, რომ ხალხის სათქმელი თქვეს.
„ვთქვით ხალხის სათქმელი და ეს იყო ერთადერთი სწორი გზა, ერთადერთი ინსტრუმენტი იმისათვის, რომ ის რეალური რისკები თავიდან აგვეცილებინა, რაც, მაგალითად ვერ აიცილა უკრაინამ.
რა თქმა უნდა, რისკები არ იყო მხოლოდ გარედან, იყო შიგნითაც. დღესაც არსებობს. ეს რისკები შემცირებულია, მაგრამ მაინც არსად წასულა იმიტომ, რომ ვხედავთ, მსოფლიო დაძაბულია“, – აღნიშნა მან.
კომენტარები