როგორ არ გრცხვენიათ, კიდე ახალისებთ ახალგაზრდებს, რომ მეტი ძალადობა ჩაიდინონ, მეტი პიროტექნიკა გამოიყენონ, რომელიც აკრძალულია კანონით და მეტი საციხოდ გაუხადოთ საქმე, – განუცხადა ჟურნალისტებს დიასპორისა და კავკასიის საკითხთა კომიტეტის თავმჯდომარე, საპარლამენტო უმრავლესობის წევრმა ირაკლი ზარქუამ ელჩებთან დაკავშირებით.
მისი თქმით, განსაკუთრებით აქტიურია გერმანიის ელჩი.
„ბოლო-ბოლო ხომ არ გავაძევებთ. როთის მეგობარია, როთის პარტიის წევრია. შოლცის პარტია, დაიშალა, ჩამოინგრა. დამარცხებული პარტიის წარმომადგენლები რევოლუციას გვიწყობენ, გაგიგიათ ასეთი რაღაც?“, – აღნიშნა ირაკლი ზარქუამ.
პარლამენტის შენობის მიმართულებით პიროტექნიკის გამოყენებაში უკანონობას ვერ ხედავს ოპოზიცია, იმის მიუხედავად, რომ ფეიერვერკის გამოყენება მანიფესტაციებზე უკვე კანონით აკრძალულია. მმართველი გუნდი კი განვითარებულ პროცესებზე პასუხისმგებლობას, კონკრეტულ დიპლომატიურ წარმომადგენლობებს აკისრებს. საელჩოებს კითხვით მიმართა „ქრონიკამ“, იღებენ თუ არა პასუხისმგებლობას გუშინ მომხდარ სამართალდარღვევაზე, თუმცა პასუხი ჯერ არ მიუღია.