მისალოცი ამბავია ჩვენი ქვეყნისთვის, სრულიად საკალათბურთო სამყაროსთვის ასეთი მნიშვნელოვანი, ელიტური ტურნირის მასპინძლობა, – განუცხადა „ქრონიკას“ საქართველოს კალათბურთის ფედერაციის პრეზიდენტმა ვიქტორ სანიკიძემ.
მისივე თქმით, აქამდე ისტორიაში ასეთი ტურნირისთვის, A დივიზიონისთვის არასდროს გვიმასპინძლია.
„მადლობა ფიბას, მის ბორდს ამ გადაწყვეტილებისთვის, ვინაიდან ფიბას ბორდმა მიიღო აღნიშნული გადაწყვეტილება ერთის მხრივ და მეორეს მხრივ, ეს გადაწყვეტილება განაპირობა იმან, რომ ჩვენმა ქვეყანამ უკვე არაერთხელ დაამტკიცა – მაღალ დონეზე შეგვიძლია ნებისმიერ სპორტის სახეობაში ნებისმიერი ტურნირის მასპინძლობა.
ფედერაცია, რა თქმა უნდა, მზად იქნება ამ ტურნირის უმაღლეს დონეზე ჩატარებისთვის. აქვე მინდა ვისარგებლო შემთხვევით და ძალიან დიდი მადლობა გადავუხადო ჩვენს მთავრობას, მთავრობის მეთაურს, სამინისტროს, მინისტრს მხარდაჭერისთვის“, – აღნიშნა ვიქტორ სანიკიძემ.
