საქართველო საუკეთესო მაგალითია რეგიონის ქვეყნებისთვის, – ამის შესახებ ევროკომისარმა იოჰანეს ჰანმა საქართველოს პრემიერ-მინისტრ გიორგი კვირიკაშვილთან ერთად გამართულ პრესკონფერენციაზე განაცხადა.
“მიღწეული რეფორმების განვითარება კიდევ ერთხელ დასტურდება უვიზო რეჟიმით და ყველა იმ რეფორმის განხორციელებით, რომელიც მიმართული იყო ამ სერიოზული მიზნების მისაღწევად. დღეს მე და საქართველოს პრემიერმა განვიხილეთ ჩვენი ურთიერთობის მდგომარეობა. გვინდა ვაღიაროთ და ხაზი გავუსვათ იმ შთამბეჭდავ რეფორმებს, რომელიც საქართველოში გატარდა. საქართველომ უკვე სერიოზული ძალისხმევა განახორციელა ასოცირების ხელშეკრულების შესრულების თვალსაზრისით და კვლავ საქართველო აქტიურად ახორციელებს რეფორმებს, რომელიც დემოკრატიის კონსოლიდაციაზე, კანონის უზენაესობაზე კარგი მმართველობის უზრუნველყოფაზეა მიმართული”, – განაცხადა იოჰანეს ჰანმა.
მისივე თქმით, საქართველოს წინ მიწევს მრავალ სფეროში და საუკეთესო მაგალითია რეგიონების ქვეყნებისთვის.
“მთავრობის კურსს მოსახლეობის უდიდესი ნაწილი უჭერს მხარს. ჩვენ ამ მიმართულებით მივდივართ და ვსაზღვრავთ შემდგომ ნაბიჯებს”, – განაცხადა იოჰანეს ჰანმა.