რუსული დელეგაციის წევრები, რომლებმაც უკრაინულ მხარესთან მოლაპარაკებები უნდა გამართონ, სტამბოლში უკვე ჩაფრინდნენ. ინფორმაციას რუსული მედია საკუთარ წყაროებზე დაყრდნობით ავრცელებს.
მოლაპარაკებების დაწყება თბილისის დროით 11:00 იგეგმება. შეხვედრა თურქეთის პრეზიდენტის, რეჯეფ თაიფ ერდოღანის სამუშაო ოფისში, დოლმაბაჰჩეში გაიმართება.
რუსულ დელეგაციას მოლაპარაკებებზე რუსეთის პრეზიდენტის თანაშემწე, ვლადიმერ მედინსკი უხელმძღვანელებს. მის შემადგენლობაში აგრეთვე იქნებიან რუსეთის საგარეო საქმეთა მინისტრის მოადგილე, მიხეილ გალუზინი, გენშტაბის მთავარი სამმართველოს უფროსი, იგორ კოსტიუკოვი და თავდაცვის მინისტრის მოადგილე, ალექსანდრე ფომინი.
კომენტარები