ნატოს გენერალურმა მდივანმა, მარკ რუტემ თურქულ მედიასთან ინტერვიუს დროს განაცხადა, რომ უახლოეს ორ კვირაში ვითარება უკრაინაში, შესაძლოა, უკეთესობისკენ შეიცვალოს.
როგორც გენმდივანმა აღნიშნა, ოპტიმიზმის საფუძველს მას დღეს თურქეთში გასამართი რუსეთ-უკრაინის სამშვიდობო მოლაპфრაკებები აძლევს.
„ვფიქრობ, რომ ამ კვირაში და მომდევნო 10 დღის განმავლობაში უკრაინაში სიტუაციის გაუმჯობესების შესაძლებლობა ნამდვილად არსებობს, რა თქმა უნდა, პრეზიდენტ ზელენსკის ხელმძღვანელობით და ამერიკის მთავრობის დიდი გავლენით. ამაში თურქეთიც დიდ როლს თამაშობს“, – თქვა რუტემ.
რუტემ კვლავ გაიმეორა, რომ 2024 წელს ვაშინგტონში გამართული ნატოს სამიტის დროს გაცხადებული იყო, რომ უკრაინის გზა ნატოსკენ შეუქცევადია, თუმცა აქვე დასძინა, რომ კიევისთვის არასდროს მიუციათ პირობა, რომ ქვეყნის ნატოში წევრობა რუსეთთან მოლაპარაკებების დროს ერთ-ერთი პირობა იქნებოდა.