პარლამენტში დროებითი საგამოძიებო კომისიის სხდომაზე ირაკლი რუხაძე მივიდა, რომელიც „ნაცმოძრაობის“ დროს ბიზნესზე ზეწოლის, მედიისა და გამოხატვის თავისუფლების შეზღუდვისა და ადამიანის უფლებების დარღვევის სხვა ფაქტებთან დაკავშირებით ისაუბრებს. მთავარი საკითხი „იმედის“ დარბევა იქნება.
2007 წლის 7 ნოემბრის საღამოს, სპეცრაზმი ტელეკომპანია „იმედში“ შეიჭრა და არხის მაუწყებლობა გათიშა. შეიარაღებული ნიღბიანი ძალოვნები შენობაში შევიდნენ, თანამშრომლები იატაკზე დააწვინეს და აპარატურა დალეწეს. ამ ყველაფერს წინ უძღოდა მაშინდელი მაღალჩინოსნების განცხადებები.
დარბევისა და „ტელეიმედის“ ხელში ჩაგდების შემდეგ იყო რამდენიმეთვიანი პაუზა. უკანონოდ მითვისებული „ტელეიმედი“ ბადრი პატარკაციშვილის ოჯახს 2012 წლის ოქტომბერში მას შემდეგ დაუბრუნდა, რაც ქვეყანაში სააკაშვილის მმართველობა დასრულდა.