პოლონეთის პრეზიდენტობის ოპოზიციონერმა კანდიდატმა, კაროლ ნავროცკიმ განაცხადა, რომ მისი გაპრეზიდენტების შემთხვევაში ის უკრაინის ნატოში წევრობას არ დაუშვებს.
ნავროცკიმ და ანტიუკრაინული პარტია „კონფედერაციის“ ლიდერმა, სლავომირ მენცენმა არჩევნების მეორე ტურამდე, რომელიც 1 ივნისს გაიმართება, ერთ-ერთი პოლონური მედიის პირდაპირ ეთერში მემორანდუმს მოაწერეს ხელი.
მემორანდუმი რვა პუნქტისგან შედგება. ერთ-ერთი პუნქტი უკრაინისთვის ნატოში გაწევრიანების ხელის შეშლაა. გარდა ამისა, დოკუმენტის მიხედვით ნავროცკიმ პირობა დადო, რომ პოლონელ ჯარისკაცებს უკრაინაში არ გააგზავნის.
კომენტარები