იმდენად ძალადობრივი დაჯგუფებაა, რომ არ ერიდებიან და ვერ ახერხებენ იმას, რომ თავიანთი ჯგუფის შიგნითაც არ ჰქონდეთ ძალადობრივი მოწოდებები, ერთმანეთის ბულინგით არიან დაკავებული იმ შემთხვევაში, თუ ვინმე გადაწყვეტს, რომ კანონს დაემორჩილოს, – განაცხადა პარლამენტის ვიცე-სპიკერმა, ნინო წილოსანმა.
„კარგი ლუსტრაციაა იმის, რომ ეს ადამიანები პირდაპირ მოწოდებულები არიან იმისკენ, რომ კანონი არ კანონობდეს, რომ კანონმა არ იმუშაოს და ისინი არ იყვნენ კანონმორჩილები. რა დასავლური ქვეყნის მშენებლობაზეა მათი მხრიდან საუბარი, როდესაც კანონ დაუმორჩილებლობა იქცა მათ სახედ“, – აღნიშნა ნინო წილოსანმა.
„საიას“ დეზინფორმაციის ფონზე კიდევ უფრო საინტერესოა იმ პოლიტიკოსთა პერფორმანსი, რომლებმაც საგამოძიებო კომისიასაც უარი უთხრეს და გირაოს მოთხოვნასაც. ერთ-ერთია ზურაბ ჯაფარიძე, რომელსაც პატიმრობა ცოტა ხნის წინ შეეფარდა. გიორგი ვაშაძე ციხეს ერიდება, „ლელოს“ ლიდერებისა და გივი თარგამაძის მსგავსად.