ნაძალადევის რაიონში კორპუსების კეთილმოწყობის სამუშაოები აქტიურად მიმდინარეობს.
,,ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, გურამიშვილის გამზირის N25 საცხოვრებელ კორპუსში წყალარინების ქსელი იცვლება. საერთო ჯამში, განახლდება 610 გრძივი მეტრი გაყვანილობა. ასევე, მონტაჟდება ცხრა საკანალიზაციო ჭა.
მიწისქვეშა კომუნიკაციების შეცვლის შემდეგ, გამგეობა მისამართზე ასფალტის საფარს დააგებს.
მიმდინარე სამუშაო პროცესი ნაძალადევის რაიონის გამგებელმა ირაკლი ანდღულაძემ და საკრებულოს წევრმა ალექსანდრე ხუჯაძემ ადგილობრივ მოსახლეობასთან ერთად დაათვალიერეს.
პროექტის განსახორციელებლად ბიუჯეტში 73 000 ლარია გათვალისწინებული.
კომენტარები