2019 წლის 20-21 ივნისს თბილისში, საზოგადოებრივი წესრიგის დაცვასა და აღდგენაში შინაგან საქმეთა სამინისტროს მხრიდან უფლებამოსილების ძალადობით და იარაღით გადამეტების ფაქტებზე, სტრასბურგის სასამართლოს გადაწყვეტილების და რეკომენდაციების გათვალისწინებით, მთელი დღის განმავლობაში რუსთაველის გამზირზე საგამოძიებო მოქმედებები ტარდება.
საგამოძიებო ექსპერიმენტში მონაწილეობენ დაზარალებულები, რუსთაველის გამზირზე იმყოფება მაკო გომურიც.
დღეს საგამოძიებო უწყებამ ადგილზე უკვე გამოჰკითხა კიდევ ერთი დაზარალებული გიორგი ჭუმბურიძე.
პროკურორ მარიამ ბერძენიშვილის განცხადებით, ადამიანის უფლებათა ევროპული სასამართლოს გადაწყვეტილებით, სახელმწიფოს დაევალა გარკვეული საგამოძიებო მოქმედებების ჩატარება, მათ შორის დაზარალებულების მონაწილეობით, რათა დადგინდეს, როგორ მიმდინარეობდა შინაგან საქმეთა სამინისტროს მხრიდან ღონისძიების დაგეგმვისას პროცესები და ხომ არ ჰქონდა ადგილი კანონდარღვევას.
პროკურატურის ცნობით, სტრასბურგის სასამართლომ 2019 წლის 20-21 ივნისის საქმეზე დაადგინა კონვენციის მე-3 მუხლის დარღვევა პროცედურულ ნაწილში და სახელმწიფოს დაევალა გარკვეული საგამოძიებო მოქმედებების ჩატარება.