“ჩორჩანასთან დაკავშირებით არსებობს ძალიან ბევრი კითხვა, დაველოდოთ როგორ განვითარდება მოვლენები”

ჩორჩანასთან დაკავშირებით არსებობს ძალიან ბევრი კითხვა, – განაცხადა პარლამენტის ევროინტეგრაციის კომიტეტის თავმჯდომარე ლევან მახაშვილმა.

მისი თქმით, კარგია, რომ მტრულ საქმიანობაში დახმარებისა და საბოტაჟის მცდელობის საქმის ფარგლებში კონკრეტული პირები საგამოძიებო უწყებებს ჩვენებას აძლევენ.

„ეს შეეხება ჩვენი სამშობლოს ერთ მილიონ კვადრატულ მეტრს და 2012 წლის შემდეგ ეს არის პირველი შემთხვევა, რომელიც დროებით, მაგრამ არის დღესაც ოკუპირებული. ძალიან კარგია, რომ კონკრეტული პირები აძლევენ ჩვენებას საგამოძიებო უწყებებს. დაველოდოთ როგორ განვითარდება მოვლენები. ამ დროს შინაგან საქმეთა მინისტრი იყო გიორგი გახარია და როგორც იკვეთება, ეს იყო მისი პირადი გადაწყვეტილება, რასაც სხვადასხვა მოწმე ადასტურებს“, – აცხადებს მახაშვილი.

მტრულ საქმიანობაში დახმარებისა და საბოტაჟის მცდელობის ფაქტებზე საქართველოს გენერალურ პროკურატურაში გამოკითხვები გრძელდება. საგამოძიებო უწყებაში დღეს საქართველოს თავდაცვის ყოფილ მინისტრს, ლევან იზორიას ელოდებიან.