ჩორჩანაში საგუშაგოს გახსნა შეთანხმების გარეშე – გიორგი გახარიას ეს ნაბიჯი არც თავდაცვის მინისტრთან შეუთანხმებია. პროკურატურაში გამოკითხულმა ლევან იზორიამ დაადასტურა, რომ მაშინდელმა შინაგან საქმეთა მინისტრმა საკითხი არც ეროვნული უსაფრთხოების საბჭოზე გაატანა, მიუხედავად იმისა, რომ ამას კანონი ავალდებულებდა.
გამოძიება გრძელდება. ფორმულირებები მძიმდება, სამართალდამცავები უკვე საუბრობენ მტრულ საქმიანობაზე, დახმარებაზე და შესაძლო საბოტაჟის მცდელობაზე. გახარია კვლავ ერთ-ერთი მთავარი ფიგურაა საქმეში.
მისი ინტერესების დაცვა „ნაციონალურ მოძრაობას“ საკუთარ თავზე აქვს აღებული. ოპოზიციური პარტიის წევრები ამტკიცებენ, რომ სწორედ გახარიას მიერ გადადგმული ნაბიჯი, რომელიც ქვეყნის ტერიტორიაზე საგუშაგოს გახსნას უკავშირდება, ყველაზე გასაგები და გამართლებული გადაწყვეტილება იყო იმ ვითარებაში, თუმცა, ხელისუფლების აზრით, სწორედ ამ ნაბიჯს მოჰყვა ტერიტორიების დაკარგვა.
ნინო არღვლიანის სიუჟეტი.