“ნაციონალური მოძრაობა” კრიმინალური სინდიკატია. ლაშა ცანავა ამ პარტიის მსხვილი შემომწირველია, როგორც ჩანს, კრიმინალური გზით ნაშოვნი ფულით,” – ასე გამოეხმაურა “ქართული ოცნების” წევრი, რატი იონათამიშვილი, თაღლითობის ბრალდებით “ერთიანობა – ნაციონალური მოძრაობის” პოლიტიკური საბჭოს წევრის, ლაშა ცანავას დაკავებას.
მისივე თქმით, საზოგადოებისთვის გასაკვირი არ არის “ნაციონალური მოძრაობის” წევრების კრიმინალური ქმედებები.
“ნაციონალური მოძრაობა” კრიმინალური სინდიკატია. შესაბამისად, კრიმინალური საქმიანობა ამ პარტიის წევრების, მით უმეტეს პოლიტსაბჭოს წევრების მხრიდან ჩვენს საზოგადოებას ნამდვილად არ უკვირს. აქ საინტერესოა, რომ ეს ბატონი “ნაციონალური მოძრაობის” მსხვილი შემომწირველი ბრძანდება და, როგორც ჩანს, კრიმინალური გზით ნაშოვნი ფულით. ესეც არ გვიკვირს, საზოგადოებას გავახსენებ, რომ “ნაციონალური მოძრაობა” და რადიკალური ოპოზიცია ზუსტად ის კრიმინალური სინდიკატია, რომელიც იკვებება კეზერაშვილის თანხებით, რომელიც ძარცვავდა ქართულ ჯარსა და ევროპელ პენსიონერებს. ეს არის მთლიანად სახე “ნაციონალური მოძრაობის”, რადიკალური ოპოზიციის და იმ ადამიანების, ვინც დღეს ჩვენს ქვეყანას ებრძვიან და მტრობენ,” – განაცხადა რატი იონათამიშვილმა.