2008 წელს საბოლოოდ ჩვენ დავინახეთ ყველა ის სისუსტე, რომლის გამოსწორებასაც გარკვეული წლების განმავლობაში ვცდილობდით, – ამის შესახებ საქართველოს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ ნატო-ს საპარლამენტოს ასამბლეის თავდაცვისა და უშიშროების კომიტეტის სხდომაზე სიტყვით გამოსვლისას განაცხადა.
ვლადიმერ ჩაჩიბაიამ სიტყვით გამოსვლისას შეიარაღებულ ძალებში მიმდინარე და უკვე განხორციელებულ რეფორმებზე ისაუბრა. მისივე თქმით, რეორგანიზაციისა და რეფორმების შედეგად თავდაცვის სისტემიდან მოხდა 2000-ზე მეტი ადამიანის გაშვება, მათ შორის, დიდი უმრავლესობა სამოქალაქო პირი იყო.
„მთავარი სიახლე შეიარაღებულ ძალებში, რაც გვაქვს, არის ის, რომ ჩვენ არა მარტო სტრუქტურულად შევიცვალეთ, არამედ ვცდილობთ შევცვალოთ ჩვენი შეიარაღებული ძალების ომის წარმოების პრინციპები. ომის წარმოების პრინციპი, რომელიც მისაღებია ისეთი ქვეყნისთვის, როგორიც საქართველოა“, – განაცხადა ჩაჩიბაიამ.